ابوذیّات شبح الرمات
الولف زعلان دگ ضبحه علی دان
اشتکیت او ما اجد منقذ علی دان
یفک الزیج و ایرامی علی دان
او یطگ بعیونه لیزر فتک بیّه
...
الوکت ذبنی برض صبخه و رکنی
خذه حیلی او سلب عگلی ورکنی
نکت بیّه او کسر ضلعی ورکنی
او جعل جسمی شبح یرمی علیّه
...
شفتک تابعت وصلک وجنتک
اهلال او بالسماء تبرج وجنتک
گلت لک روحی الک فدوه وجنتک
تکبّرت او گمت تلعب علیّه
...
الزعل وی اهلی ما اودّه وحبّه
امورّم صدری من ضیمه وحبّه
الطیّب گلبی حن صوبه و حبّه
او سکنت البیده منکم یجنبیّه
...
عذابی مو سهل جسمی وجلبه
النذل لا ما ادش بیته وجلبه
واشهد العدل و المیّت و اجلبه
و اصوغ الحق ذهب خاتم بدیّه
...
الوعد بالقلم شب ابنار وایفر
او علی الطیبین گلبی اینوح وایفر
الوطن انتج اسود ابطال وایفیر
ادیب او شاعر او صاحب حمیّه
...
من غیرک قصف گلبی وهنته
ابعذاب او ضیم جرّبته وهنته
الغرام اویاک دمّرته و هنته
او حرگته ابنار خاف اتعود بیّه
...
عزیز النفس لایم لمت ولمای
سلیم الگلب لاکن زاد ولمای
عبرت اجبال اهانه ابسلم ولمای
او لبست اثیاب ستری ابلا اذیّه
...
الاشگر مر خلق برکان من هل
العیون اوساع شبه البدر من هل
الخشف دولبنی یقصف دان من هل
اریدن هدنه دمّرنی ابشلیّه
...
الدهر سابینی یتمنّی کرملی
هتک صیتی او نثر کرهی کرملی
کریم او ما شفت واحد کرملی
الاکرمه ایگوم یتدلل علیّه
...
حیلی اخلافک ابنازل ویبراک
اود اویاک ابو فارس ویبراک
السجن ضمّاک شیطلعک ویبراک
مثل ما اخوک اجانی او رد علیّه
...
بحر گلبی شطر مایه بلازود
عنید او یرفض الذلّه بلازود
علی البیهم رحم عاطف بلازود
واخلّی اجناس نظمی اتدث سویّه
...
ابعذاب احبابی ما اقصّر ومسهم
و ابیّن شارتی بیهم و مسهم
احگرونی ابیوم اباریهم ومسهم
شبه خدّام تتوگّه اعلی ادیّه
...
ابصراعک گوم بین لی مهرتک
ابموانع گلبی ما تغفز مهرتک
اذا عبریتهن فایز مهرتک
اذا ابوزنک ذهب ادفعله میّه
...
اصحاب الحق قلیله افتکر بالجد
او بالک لا تدور او تلف بالجد
هذاک الدرب وصله ابصعب بالجد
الیتبعه ایبیع کل غالی ابسریّه
...
جاسم ثعلبی (الحسّانی) 16/05/1400
:: برچسب‌ها:
ابوذیّات شبح الرمات ,
:: بازدید از این مطلب : 1062
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
